Хабарландыру

1. 
   Жер қойнауын пайдалану құқығын беруге арналған тендер келесі мекен-жай бойынша өткізіледі: 140000, Павлодар қ., пл. Победы, 17, 2 қабат, «Павлодар облысының жер қойнауын пайдалану, қоршаған орта және су ресурстары басқармасы» ММ.
   

Тендерге қатысу үшін өтінімдердің қабылдану мерзімі: тендерді өткізу бойынша хабарламаның жарияланған күнінен бастап 2015 жылғы 14 қыркүйектің, сағ. 12-00 дейін, мына мекен-жай бойынша: 140000, Павлодар қ., пл. Победы, 17, 2 қабат, 204-205 каб.

Тендерге қатысу үшін конкурстық ұсыныстарды беру мерзімі 2015 жылғы 12 қарашада, сағ. 12-00 аяқталады.

Тендер қорытындыларын шығару мерзiмi конкурстық ұсыныстарды беру мерзiмi аяқталған күннен бастап күнтізбелік он бес күннен аспауға тиiс.

2.1. Тендерге шығаруға жататын жер қойнауы учаскелерінің тізбесі:

2.1. Өтінімнің формасы Қазақстан Республикасы «Жер қойнауы және жер қойнауын пайдалану туралы» 2010 жылғы 24 маусымдағы Заңының (одан әрі – Заң) 48 бабының 1 тармағына сәйкес келу керек.

Конкурсқа қатысу үшін өтінімде:

1) заңды тұлғалар үшін – өтініш берушінің атауы, оның орналасқан жері, мемлекеттік тиесілігі, заңды тұлға ретінде мемлекеттік тіркелуі және мемлекеттік кіріс органдарында тіркелуі туралы мәліметтер, жарғылық капиталдағы олардың үлестерінің мөлшері (жарғылық капиталдың жалпы мөлшерінен) көрсетіле отырып, өтініш беруші — заңды тұлғаның басшылары мен қатысушылары немесе акционерлері туралы мәліметтер, бағалы қағаздардың жалпы саны көрсетіле отырып, заңды тұлғаның осындай қағаздарының ұйымдастырылған бағалы қағаздар нарығындағы айналымы туралы мәліметтер, өтінім берушінің еншілес ұйымдары туралы мәліметтер;

2) жеке тұлғалар үшін – өтініш берушінің тегі, аты және әкесінің аты (ол болған жағдайда), заңды мекенжайы, азаматтығы, өтініш берушінің жеке басын куәландыратын құжаттары, өтініш берушінің мемлекеттік кіріс органдарында тіркелуі, өтініш берушінің кәсіпкерлік қызмет субъектісі ретінде тіркелуі туралы мәліметтер;

3) өтініш берушінің мүддесін білдіретін басшылардың немесе өкілдердің өкілеттіктері туралы мәліметтерді қоса алғанда, мұндай тұлғалар туралы деректер;

4) өтініш беруші соңғы үш жылда оларда өз қызметін жүзеге асырған мемлекеттер тізімін қоса алғанда, оның бұрынғы қызметі туралы мәліметтер;

5) өтініш беруші үміттеніп отырған жер қойнауы учаскесінің атауы және жер қойнауын пайдалану құқығы;

6) өтініш берушінің конкурсқа қатысу жарнасын төлегені туралы құжат қамтылуға тиіс.

Өтінімде көрсетілген мәліметтерді растайтын, тиісті түрде куәландырылған құжаттар өтінімге қоса беріледі.

Өтініш беруші Заңның 48 бабының талаптарын сақтаған жағдайда өтінім қарауға қабылданады. 48 баптың талаптарына сәйкес келмейтін өтінім қабылданбауға тиіс (Заңның 48 бабының 2 тармағы).

2.2. Жергілікті атқарушы органмен Заңның 51 бабына сәйкес:

1) конкурсқа қатысуға арналған өтінім осы Заңның 48-бабының талаптарына сәйкес келмегенде;

2) конкурстық ұсыныс тендер шарттарына сәйкес келмегенде;

3) өтініш беруші дәйексіз мәліметтер ұсынса;

4) егер өтініш берушіге жер қойнауын пайдалану құқығын беру еліміздің ұлттық қауіпсіздігін қамтамасыз ету жөніндегі, оның ішінде келісімшарт шеңберінде құқықтарды шоғырландырған және (немесе) жер қойнауын пайдалану саласындағы операцияларды жүргізу құқықтарын шоғырландырған кезде талаптардың сақталмауына әкеп соқтыратын жағдайда конкурсқа қатысу құқығын беруден бас тартылуы мүмкін.

Конкурсқа қатысу құқығын беруден бас тарту осы баптың 4) тармақшасына сәйкес себептері түсіндірілмей ресімделеді.

Конкурсқа қатысу құқығынан бас тартуға сот тәртібімен шағым жасалуы мүмкін.

2.3. Тендерге қатысу жарнасы 20 айлық есептік көрсеткіші мөлшерінде «Жергіліктік бюджетке түсетін салықтық емес басқа да түсімдер» 206109 кодына, ЖСК KZ24070105KSN0000000, БСК KKMFKZ2A. БСН – салық төлеушінің орналасқан орны бойынша мемлекетттік кірістер басқармасының БСН сәйкес келуі қажет.

Конкурсқа қатысу жарнасы қайтаруға жатпайды. (Заңның 47 бабының 6 тармағы).

2.4. Облыс жергiлiктi атқарушы органы конкурсқа қатысуға берiлген өтiнімнiң қабылданғаны және қатысуға жіберілгені туралы өтінім берушіні: тендерге қатысуға өтінімдер қабылдау аяқталған күннен бастап бір ай мерзімде ресми түрде хабардар етеді – 2015 жылғы 13 қазанға дейін (Заңның 48 бабының 3 тармағы).

Облыстық жергілікті атқарушы органмен бұл хабарлама конкурсқа қатысуға берiлген өтiнімде көрсетілген мекен-жай бойынша жіберіледі.

3.1. Геологиялық ақпарат топтамасының құны тарихи шығындар мөлшері негізге алынып айқындалады. Геологиялық ақпарат топтамасын сатып алу үшін төленген сома қайтарылуға жатпайды.

3.2. Өтініш берушінің алынған геологиялық ақпаратты кез келген нысанда жария етуге немесе үшінші тұлғаларға беруге құқығы жоқ (Заңның 49 бабының 3 тармағы).

4. Тендерге қатысуға жiберiлген өтiнім берушi тендер шарттарында белгiленген мерзiмдерде барлауға немесе өндiруге жер қойнауын пайдалану құқығын алуға арналған конкурстық ұсыныс жасайды (Заңның 50 бабының 1 тармағы).

4.1. Кең таралған пайдалы қазбаларды барлауға немесе өндiруге жер қойнауын пайдалану құқығын алуға арналған конкурстық ұсыныс Заңның 50 бабының 3 тармағына сәйкес құрастырылуы керек.

4.2. Конкурсқа қатысуға жіберілген өтінім берушінің конкурстық ұсынысты беру мерзімі конкурсқа қатысуға арналған өтінімнің қабылданғаны туралы ресми ескерту хатында анықталады.

4.3. Конкурстық ұсыныста өтінім беруші ұсынған міндеттемелер мен ниеттер келісімшартқа енгізіледі.

4.4. Конкурстық ұсыныс ұсынған тендерге қатысушының конкурстық ұсыныстарды беру мерзімі аяқталған күннен бастап оны кері қайтарып алуға немесе өзгертуге құқығы жоқ. (Заңның 50 бабының 2 тармағы).

5. Тендер жеңiмпазы конкурстық ұсыныстарды қарау қорытындылары:

1) қол қойылатын бонустың мөлшерi;

2) өңiрдiң әлеуметтiк-экономикалық дамуына және оның инфрақұрылымын дамытуға арналған шығыстардың мөлшерi бойынша Заңның 52 бабына сәйкес айқындалады.

5.1. Кең таралған пайдалы қазбаларды барлауға немесе өндiруге жер қойнауын пайдалану құқығын алуға конкурстық ұсыныстар ұсынған өтiнiм берушiлер арасынан тендер жеңiмпазын кең таралған пайдалы қазбаларды барлауға немесе өндiруге жер қойнауын пайдалану құқығын беру жөнiндегi конкурстық комиссия (одан әрі – комиссия) айқындайды.

5.2. Тендер қорытындыларын шығару мерзiмi Комиссияның шешiмi бойынша, бiр айдан аспайтындай етіп ұзартылуы мүмкiн. (Заңның 52 бабының 3 тармағы).

5.3. Тендер қорытындыларына оған қатысушылар Қазақстан Республикасының заңнамасында белгiленген тәртiппен шағым жасауы мүмкiн.

6. Жер қойнауын пайдалану құқығын беруге арналған конкурсты комиссия мынадай жағдайларда:

1) екіден кем өтінім берілгенде;

2) егер конкурсқа қатысуға екіден кем қатысушы жіберілгенде өтпеді деп таниды.

6.1 Комиссияның конкурсты өткізілмеді деп тануы конкурсқа жіберілген барлық қатысушыларға хабарланады (Заңның 53 бабының 2 тармағы).

7. «Салық және бюджетке төленетін басқа да міндетті төлемдер туралы» Қазақстан Республикасы Кодексінің (одан әрі – Салық кодексі) 314 бабына сәйкес қол қойылатын бонустың бастапқы мөлшері жер қойнауын пайдалануға жасалатын әрбір келісімшарт үшін мынадай мөлшерде жеке белгіленеді:

пайдалы қазбалардың бекітілген қорлары жоқ аумақта геологиялық барлау жүргізуге арналған келісімшарттар үшін:

- республикалық бюджет туралы заңда белгіленген және Қазақстан Республикасының жер қойнауы және жер қойнауын пайдалану туралы заңнамасына сәйкес конкурс шарттары жарияланған мерзімде болған айлық есептік көрсеткіштің 40 еселенген мөлшері;

өндіруге арналған келісімшарттар үшін:

- (Қ х 0,01%) ) формуласы бойынша, бірақ республикалық бюджет туралы заңда белгіленген және Қазақстан Республикасының жер қойнауы және жер қойнауын пайдалану туралы заңнамасына сәйкес конкурс шарттары жарияланған мерзімде болған, бірақ айлық есептік көрсеткіштің 120 еселенген мөлшерінен кем емес.

Сонымен қатар өндіруге арналған келісімшарттар үшін қол қойылатын бонустың бастапқы мөлшері Салық кодексінің 319 - 322-баптарына сәйкес есептеп шығарылған коммерциялық табу бонусының сомасынан аз болуына болмайды;

7.1. Салық кодексінің 315 бабына сәйкес қол қойылатын бонус бюджетке салық төлеушінің орналасқан жері бойынша мынадай мерзімдерде:

1) белгіленген соманың елу пайызы – салық төлеушіні Қазақстан Республикасының жер қойнауы және жер қойнауын пайдалану туралы заңнамасына сәйкес конкурс жеңімпазы деп жариялаған күннен бастап күнтiзбелiк отыз күн ішінде;

2) белгіленген соманың елу пайызы – жер қойнауын пайдалануға арналған келісімшарт күшіне енген күннен бастап күнтiзбелiк отыз күннен кешіктірілмей төленеді.

7.2. Егер конкурстың жеңімпазы болып жарияланған тұлға қол қойылған бонус сомасының елу пайызын төлеуді белгіленген мерзімде жүргізбесе, комиссия мұндай тұлғаны конкурстың жеңімпазы деп тану туралы шешімінің күшін жоюға құқылы (Заңның 67 бабының 3 тармағы).

8. Жер қойнауын пайдалану бойынша операцияларды жүргізген кезде келісімшарттық міндеттемелерде қолданылатын қазақстандық қамтуға республикалық сұраныстың ең төмен пайыздық мөлшері төменде көрсетілген мөлшерге сәйкес болуы қажет:

1) Кадрлардағы жергілікті қамтудың ең төмен мөлшері - 100%;

2) Жергілікті қамтудың ең төмен мөлшері тауарларда - 16%, жұмыстарда, көрсетілетін қызметтерде - 100%;

3) Қазақстандық кадрларды оқытуға арналған шығындардың ең төмен мөлшері - жылсайынғы инвестиция көлемінен 0,1% құрауы тиіс.