Сабақтың міндеттері: Еңбексүйгіштікке баулу; Еріншектіктен аулақ болуға үйрету



жүктеу 33.82 Kb.
Дата10.04.2018
өлшемі33.82 Kb.
түріСабақ
Сабақтың тақырыбы: Еңбекқорлық пен еріншектік.

Еңбек - қуаныш, жалқаулық - айырылмас азап.

Абай.

Сабақтың мақсаты: Оқушыларға еңбекқорлық, оның пайдасы, еріншектік, оның зияны туралы түсінік бере отырып, шығармашылықтарын қалыптастыру.



Сабақтың міндеттері:

- Еңбексүйгіштікке баулу;

- Еріншектіктен аулақ болуға үйрету;

- Еңбектің адам өміріндегі орнын ұғындыру;

Сабақтың әдісі: түсіндіру, сұрақ - жауап, шығармашылық тапсырмалар орындау.

Сабақтың көрнекілігі: тақырыпқат байланысты әртүрлі мақал - мәтелдер.

Сабақтың барысы:

Ұйымдастыру кезеңі.

Шаттық шеңбері.

Болайықшы осындай.

Сөзі мен әнін жазған: А.Меңжанова.

Жақсы бала еңбекшіл,

Еразамат болады,

Қиындықты жеңіп кіл,

Құшағы гүл толады.


Қайырмасы:
Еңбекшіл осындай,

Болайықшы, досым - ай.


Таза бала мұнтаздай,

Сүйсінеді қараған.

Ұқыпты деп бұл қандай,

Жақсы көрер бар адам.

* Кітаппен жұмыс.
Еңбексүйгіш пен Еріншек

Ертегі


В. А. Сухомлинский

Еңбексүйгіш пен Еріншек деген егіз туған ағайынды екі адам болған екен. Еңбексүйгіш таңның атуымен күннің батуына дейін жұмыс істейді, ал Еріншек күн шыққанша ұйықтайды. Ал күн шыққан кезде бір жамбасынан екінші жамбасына қарай аунап түсіп жата береді, сәске түстің кезінде оянады... Сөйтіп, қос бауыр өмір бойы осылай тіршілік етеді. Қартаяды, олардың да ажал сағаты жақындайды. Оларды әулие өзіне шақырып алып, "Сендер неше жыл жарық дүниеде өмір сүрдіңдер?" - деп сұрайды. - "Тоқсан тоғыз жыл өмір сүрдік", - деп жауап береді ағайындылар. "Жарайды, маған да келетін кездерің жетті" - дейді әулие. - "Қане,маған өмірді қалай өткізген жылдарыңды көрсетіңдерші" .

Еңбексүйгіш: " Менің өмір сүрген жылдарым", - деп, ну орманды көрсетеді. Өз өмірінде ол күн сайын бір ағаштан отырғыза беріпті, содан орман өсіпті. Әулие орманмен бір к.үн жүріпті, ал орман болса, қалыңдаған үстіне қалыңдай түсіпті. Бір апта жүріпті, бір жыл бойы жүріпті, ол орманның қиыр шеті көрінбепті. Әулие шаршап, жерге отра кетіпті - сондай қауқарсыз шал, ал еңбексүйгіш: - "Тағы да ілгері жүре түсейік?" - дейді. Әулие қолын бірақ сілтейді де, Еріншекке қарап: "Сен көрсетші өзіңнің өткізген жылдарыңды", - дейді. Ал Еріншектің көрсетері жоқ. Еріншщектің ұнжырғасы түсіп, тұрып қалады... Әулие аһлап - үһлеп, орнынан әрең тұрып: " Енді әулие мына - Еңбексүйгіш болады", - дейді. Әлемнің бар сұлулығын осы жасайды. Ал, сен, Еріншек, тағы да тоқсан тоғыз жыл өмір сүресің. Содан кейін әулиеге - өзіңнің бауырыңа келесің. Еңбексүйгішке өзің өткізген жылдарыңды көрсетесің.

Адам өмірден өтеді, ал егер ол нағыз адам болса, өткен жылдары өшпейді.

* Еңбексүйгіш пен Еріншектің әрекеттерін салыстырып, ерекшеліктерін ацту.

* "Нағыз адамның өткен жылдар өшпейді" - дегенді қалай түсінесіңдер?

* Еңбексүйгіштің бойындағы жақсы қасиеттерді атап беріңдер.

* Тапсырмалдар орындау

"Адал еңбек" , "Еңбектің жемісі" деген ұғымдарды қалай түсінетіндерін айтып беру.


* Шығармашылық жұмыс.

* Дәптермен жұмыс

* Жаңа ақпаратпен танысу:

Адам ерінбей еңбек ету арқылы қуанышқа, шаттыққа бөленеді.

Еңбексүйгіштік, еңбекқорлық және еңбекті бағалай білген адам өмірде құрметке бөленеді.


Жүректен жүрекке.


Еңбек.

А. Естенов

Жасампаз төрді түлетіп,

Жаңғыртқан қайта мың рет.

Шөлейтті жерді гүл етіп,

Жайқалтқан мен бір құдірет.

Бәрі де менің жеңісім,

Зейнетім, демек, жемісім,

Шалқыған астық. кенішім

Ырысты бейбіт ел үшін!


Шаттықтың әнін тербеткен,

Көресің мені жер - көктен.

Ерліңтің туын өрлеткен,

Өркендер ғалым еңбекпен.


Сондықтан ойлап ертеңді,

Сүйіп өс, маған табын да.

Еңбекпен өмір өркенді.

Еңбекпен келер бағын да.

Т. Рысқұлов атындағы №9 мектеп жасына дейінгі шағын орталығы бар жалпы білім беретін орта мектеп

Тақырыбы:


Сынып жетекші: Тауекелова С. М.

Сыныбы: 4 "А"

Талғар


2014 - 2015 оқу жылы









©stom.tilimen.org 2017
әкімшілігінің қараңыз

    Басты бет